عرض للطباعة
إذا سمحتم .. أنا محمد من الإسكندرية عاوز أشتري فيرنا تقسيط مش عارف إيه أنظمة التقسيط ومنين والأستلام بعد إيه .. والمصرية للسيارات حاسس إنهم بيسرحو بالناس بحكاية الجرايد ديه على طول يقولو ده كان عرض وخلص .. ياريت تفيدوني وخصوصا عن المصرية تقسيطهم إزاي ؟
متشكر ليكم .. وأرجو الأفاده ..
أسف مرة تانية طلب أخر مرتبط بالأول .. ياريت تفهموني إيه الموديلات اللي نازلة من الفيرنا وإيه نظامها وتقسيطها برضو إزاي ........ شكرا :oops: وهل الفيرنا أفضل ولا الانوس .....وتقسيط الانوس إزاي ..
انا بضم صوتي للأستاذ محمد و نفسي اعرف افضل الأماكن بتقسط
و نفسي لو حد اتعامل مع بنك ناصر في موضوع قرض الشسيارة يشرح لنا نظام التقسيسط في بنك ناصر كام فايدتخ و مقدمه و ضماناته
شكرا :)
اقتباس:
إيه الموديلات اللي نازلة من الفيرنا
فية دلوقتى تقفيل هندى و دة الشكل الأقدم من المصرى و دية 1500 سى سى تكييف و باور و بتقريبا 63 الف
فية 1600 تجميع مصرى و دية فل اوبشن ب 66500 الف و دية مانيوال
و حكاية التقسيط دية مقدرش افيدك
تمام يا أستاذ فهد .. طيب في رأيك المصري أحسن يعني ولا الهندي ؟؟
والمصري اللي نازل منها 1600 بس ؟ ولا 1500 كمان ؟ والمانيوال لل 1600 كام ؟
وشكرا على الأفاده
وربنا يكرمنا يا أستاذ مصطفى بكري ونعطر في تقسيط محترم ..
اقتباس:
طيب في رأيك المصري أحسن يعني ولا الهندي ؟؟
لا المصرى احسن اقولك لية !
الفيرنات كلها اكسنت تمام !
الهندى دية الشكل القديم للأكسنت و دة كان لغاية موديل 2001 كدة تقريبا
المصرى دة الشكل الى قبل النيو اكسنت فا المصى احدث
المصرى منتشرة جدا فا حتلاقيلها حاجاتها برة التوكيل لكن الهندى مش حتلاقيلها حاجاتها برة التوكيل
و الى نعرفة احسن من الى منعرفوش
كان بينزل منها 1500 قبل ما تنزل الهندى بس دلوقتى المصرى بقى 1600 بساقتباس:
والمصري اللي نازل منها 1600 بس ؟ ولا 1500 كمان
بس متهيألى ممكن تلاقى عند المعارض 1500 يعنى كان مخزون
اقتباس:
والمانيوال لل 1600 كام ؟
المانيوال لل 1600 ب 66500 الف
اوتوماتيك 1600 ب 73990 الف
و شكرا
أنا شاكر لحضرتك جدا على مساعدتك وسرعة تعقيبك على أسألتي ... أسف جدا على التأخير في الرد .......
لأ متقولش كدة انت تؤمراقتباس:
أنا شاكر لحضرتك جدا على مساعدتك وسرعة تعقيبك على أسألتي ... أسف جدا على التأخير في الرد .......
و ربنا يوفقك فى الأختيار
الله يباركلك وبجد شكرا لحضرتك ..
يا سيدي الله يخليك لا أمر ولا حاجه إحنا إخوان في الله وأني أحبك في الله ... :)اقتباس:
لأ متقولش كدة انت تؤمر
السلام عليكم ازيك يا محمد معاك اخوك تامر من الاسكندرية
انا بردوه زيك فى نفس الموضوع بدور على فيرنا تقسيط
اولا مفيش فيرنا هندى لغاية دلوقتى لسه منزلتش ومحدش استلمها ومحدش يعرف عنها حاجة من الاخر
اما سعر المصرى فا فيه منها 1500 نص كمليات ودى بتعمل 63000 وفيه منها 1600 كاملة ودى بتعمل 66900
اما بالنسبة لموضوع التقسيط ده فا فى قدامك سكتين ياما ستى بنك او بنك بركليز
ودول شغالين مع اغلب المعارض فى الاسكندرية
ولو عاوز صالة محترمة فى وكيل هيونداى اسمه رمسيس فى الابراهمية شارع ابو قير وانا روحتلو وحسيت انهم ناس محترمة جدا وهما شغالين مع كل البنوك
وموضوع البنوك ده اولا لازم تكون موظف او عندك سجل تجارى او بطاقة ضريبية والمقدم هيكون من اول 10000 جنيه
واقصى مدة للتقسيط هو 5 سنوات
اما بقه عن موضوع الفايدة دى بتختلف شرايح بين كل شخص والاخر حسب دخلوه وعملوه
وانا بخلص مع سيتى بنك بس لسه ناقصنى شوية ورق بخلصوه وانشاء الله اجيبها لو عاوز رقم مندوب البنك اللى هخلص معاه قولى وانا اكتبهولك هو ولد محترم جدا وهيحاول يساعدك كتير
وياريت اكون افتدك
بالنسبة لبنك ناصر فهو اطول فترة تقسيط فى مصر حتى 7 سنين
واقل فايدة فى مصر هى 6%
بس شروطه مقرفة شوية
يعنى لازم ضامن ده اولا
الحكاية ازاى بالترتيب
تروح بصورة البطاقة وتسيبهلهم يعملوا استعلام ده بيخد اسبوع تقريبا قول عشر ايام وده استعلام بنك مركزى يعنى محدش بيجلك ولا يسال عليك ولا حاجة كل الحكاية انهم بيشوفوا هل انت كان عليك قروض قبل كده وخلعت ولا لا
المهم بعد متيجى الورقة دى ممكن تخلص ورقك كله فى يوم واحد بس لازم تبقى عارفه كله الاول
بتجيب مفردات مرتبك ومفردات مرتب الضامن
وجواب من شغلك بموفاقته على تحويل قيمة القرض
وجواب من شغل الضامن بالموافقة على تحويل مرتبه (فى حالة التوقف عن الدفع فقط) وليس علطول
وطبعا عرض اسعار من المعرض او الوكيل بس لازم يكون معتمد من بنك ناصر وبيتعامل معاه طبعا والافضل يديلك الجواب فيه رقم الشاسيه علشان متاخرش نفسك
بس لو ورقك كله جاهز ممكن تستلم جواب التخصيص وانت قاعد وتستلم ان شاء الله
ده اللى انا عملته لما جيت اشترى بس لازم طبعا تسال بنفسك علشان تعرف كل التفاصيل
محدثكم
أحمد السيد
مندوب بنك ناصر فى نايل موتورز :D
الله ينور ياباشا طيب لو افترضنا انى بشتغل فى قطاع خاص يعنى علشان موضوع تحويل المرتب ده ايه العمل
الله يجزاكوا خير يا أخ تامر ويا أخ تامر شكرا على أهتمامكوا وعلى الأفاده ..
بس ليا إستفسار إذا سمحتوا دلوقتي العربية حتكون بأسم والدي لأني مابلغتش السن القانونية للأمتلاك ووالدي شغال في قطاع خاص خارج مصر فحيكون التصرف إزاي في الحالة دي ؟يعني معنى كده إني ما ينفعليش ولا إيه ؟ أنا كده قلقت .اقتباس:
وموضوع البنوك ده اولا لازم تكون موظف او عندك سجل تجارى او بطاقة ضريبية
من وجهة نظركم أخليني مع سيتي بانك ولا بنك بركليز ولا بنك ناصر ؟أكون شاكر لحضرتك بس مش عارف قلقان . وبقول أستنى شوية علشان شكلي كده العربية مش جايه اليومين دول وقدام شوية :| ببايا بعتني يعني :mrgreen: :lol: ..اقتباس:
لو عاوز رقم مندوب البنك اللى هخلص معاه قولى وانا اكتبهولك هو ولد محترم جدا وهيحاول يساعدك كتير
الله يباركلك بجد وضحتلي حجات كتير .اقتباس:
وياريت اكون افتدك
يعني أبعد عن المصر ية ؟ أنا حسيتهم عالم لبط وبيستهبلوا .اقتباس:
وكيل هيونداى اسمه رمسيس فى الابراهمية شارع ابو قير وانا روحتلو وحسيت انهم ناس محترمة جدا وهما شغالين مع كل البنوك
طيب برضو بنك ناصر غالبا برضو الضامن حيكون شغال بره بس في القطاع الحكومي وحيكون عمي .. الحل إيه ؟اقتباس:
بالنسبة لبنك ناصر فهو اطول فترة تقسيط فى مصر حتى 7 سنين
واقل فايدة فى مصر هى 6%
بس شروطه مقرفة شوية
يعنى لازم ضامن ده اولا
وأنا مستغرب بنك ناصر شغال اليومين دول نار كده ليه هههههههه ربنا يباركلك .اقتباس:
مندوب بنك ناصر فى نايل موتورز
بجد متشكر ليكو ولكل اللي حاول ينصحني ويفهمني .
مدام انت موصلتش السن القانونى تبقى العربية باسم ولدكاقتباس:
يعني معنى كده إني ما ينفعليش ولا إيه ؟ أنا كده قلقت .
من وجهة نظركم أخليني مع سيتي بانك ولا بنك بركليز ولا بنك ناصر ؟
ولو زى ما بتقول باعك دى مشكلتك ولازم تقصر عليهاقتباس:
أكون شاكر لحضرتك بس مش عارف قلقان . وبقول أستنى شوية علشان شكلي كده العربية مش جايه اليومين دول وقدام شوية ببايا بعتني يعني ..
ايوة ابعد عن المصرية دووول شغالين فى الاشتغلات مش اكتراقتباس:
يعني أبعد عن المصر ية ؟ أنا حسيتهم عالم لبط وبيستهبلوا
فى حل اجمد وباقل فايدة فايدة 4.4 انه يكون فى فلوس فى البنك بالمبلغ المتبقى تمام يعنى انت هتاخود الارباح بتاعت الفلوس وغير كده هتتمتع بالعرض ارخص فايدةاقتباس:
طيب برضو بنك ناصر غالبا برضو الضامن حيكون شغال بره بس في القطاع الحكومي وحيكون عمي .. الحل إيه ؟
وانا تحت امرك فى اى شىء ياباشا
متشكرين يا باشا ده العشم برضو ... لا هو مابعنيش بس حتتأخر شويه وكمان تكون فرصه عشان أشوف برضو إيه اللي حينزل جديد وتكون الأسعار أستقرت كمان ..
أه أنا عارف كده بس احنا مش بتعامل بالفوايد فبرجح حكاية البنوك اللي حضرتك علاضتها عليا فوق بس مشكلة أن والدي والضامن بره دي اللي مش عارف أعمل فيها إيه ؟!اقتباس:
مدام انت موصلتش السن القانونى تبقى العربية باسم ولدك
[/quote]
فى حل اجمد وباقل فايدة فايدة 4.4 انه يكون فى فلوس فى البنك بالمبلغ المتبقى تمام يعنى انت هتاخود الارباح بتاعت الفلوس وغير كده هتتمتع بالعرض ارخص فايدة
وانا تحت امرك فى اى شىء ياباشا[/quote]
تيموووووووو باشا
معلش ممكن تشرحلي آخر نقطة دي بتاعة الحل الجامد واحدة واحدة كدا
مش عارف بصراحة هل بيقبل قطاع خاص ولا لا
بس عادى مهو القطاع الخاص ممكن يحول مرتب او القسط بس
لكن طبعا معتقدش اى حاجة بره مصر تنفع لا فى بنك ناصر ولا غير بنك ناصر
يعنى معتقدش سيتى ولا باركليز ولا اى بنك حيقبل بضمان وظيفة بره مصر
معرفش البنوك انا اعرف انها بالبطاقة ممكن بدوك العربية بس الفايدة بتزيد كل ما اجراءات القرض تسهل
انا راى اسالوا فى بنك ناصر، نفع يبقى خير وبركة ومش مهم انتظار اسبوع ولا اتنين بس حتوفر فارق سعر الفايدة الكبيرة بينهم( بنك ناصر 6% واقل بنك حتلاقيه 8%)
خلوا بالكم كمان ان معاملة بنك نصار اسلامية فاحذروا انكم تعملوا معاملة غير اسلامية
والله اعلم
ومالوه يا بيبى اشرحولك هات ورقة وقلم واكتب ورايا اللى هقولهلولك واحفظو كويساقتباس:
معلش ممكن تشرحلي آخر نقطة دي بتاعة الحل الجامد واحدة واحدة كدا
يعنى مثلا لو انت هتبقى 50 الف جنيه هتقسطهم ومعاك 50 الف جنيه فى البنك بتجيب من البنك اللى انت حاطط فيه فلوسك خطاب ضمان بمبلغ 50 الف جنيه وبالتالى البنك اللى هتقسط منه هيقسطلك بضمان المبلغ الموجود فى البنك اللى انت جايب بيه خطاب الضمان وكده انت مسكت العصايا من النص اخدت اقل فايدة فى التقسيط ونفس الوقت انت فلوسك فى البنك بطلعلك ارباح بس فيه حاجة لازم تاخود بالك منها انك مش هتقدر تتصرف فى الفلوس اللى انت جايب بيها خطاب الضمان لغاية ما تخلص الاقساط انما ممكن تاخود اربحهم وياريت اكون افدتك يا باشا وتحت امرك فى استفسار
متشكر جدا جدا يا تيموووو باشا
رغم التريقة !!
ولكن متشكر جدا
أها ... كده وضحت الرؤية . ربنا يسهل .والله أنا بسأل عشان كده ولله الحمد .اقتباس:
خلوا بالكم كمان ان معاملة بنك نصار اسلامية فاحذروا انكم تعملوا معاملة غير اسلامية
جزاكم الله كل خير .
يعني حكاية التقسيط والضامن بره والمشتري بره كمان متنفعش . يا خسارة . :(
أها ... كده وضحت الرؤية . ربنا يسهل .والله أنا بسأل عشان كده ولله الحمد .اقتباس:
خلوا بالكم كمان ان معاملة بنك نصار اسلامية فاحذروا انكم تعملوا معاملة غير اسلامية
جزاكم الله كل خير .
يعني حكاية التقسيط والضامن بره والمشتري بره كمان متنفعش . يا خسارة . :(
كده راحت الفيرنا .. الحمد لله على كل شئ .والمشكلة كمان أن الفلوس اللي كانت في البنك أتسحبت وراحت . اللهم أنا نسألك العفو والعافيه ..
ليه محدش بيقول علي البنك العربي الأفريقي ده أفضل اجراءات بس بشرط تدفع نص ثمن السيارة ، فائدة 8 % و أقل تأمين 2% في السنة يعني مش فرق خالص و مفيش أي أوراق غير صورة البطاقة و ايصال كهرباء بس هو بطئ شوية بياخد حوالي 10 أيام الإجراءات و العيب التاني إن معظم معارض السيارات لا تفضل التعامل معه عشان مبيدهمش نسبة بس كل اللي أنته عايزه من معرض السيارات هو عرض السعر و ده بيعملوه في دقيقة بس خلي بالك هات من معرض واثق فيه و واثق ان عنده السيارة و اللون اللي انتا عايزه عشان أنا طلع عيني بسبب الحكاية دي لأن موافقة البنك بتتطلع باسم المعرض و لو المعرض منفذش بيطلع عينك و تضيع وقت تاني عشان تغير الورق باسم معرض تاني
ياراجل شكر على ايه عيب عليك احنا اخوات وانا تحت امرك فى حاجة وتريقة ايه يا راجل انا بهزر معاك شوية بس ولو محتاج اى حاجة انت تأمرنى من عنيا الاتنين انا كمان على فكرة من عيلة السويفىاقتباس:
متشكر جدا جدا يا تيموووو باشا
رغم التريقة !!
اخوك تامر